لانیكەم 21 كەس بەهۆی ئەو سەرما زۆر و بێ پێشینەیەی ڕووی لە ویلایەتە یەكگرتووەكان كردووە گیانیان لەدەستدا، هەروەك شەپۆلەكە بووەتە هۆی بڕینی كارەبا لە ملیۆنان كەس.
بەپێی میدیاكان قوربانییەكان بەهۆی ئەو شەپۆلی بەفر و سەرمایەوەیە كە ویلایەتەكانی (تەكساس، لویزیانا، كنتاكی، كارۆلینای باكوور و میزوری) لە باشووری ئەمریكای گرتووەتەوە.
قوربانییەكان بەهۆی ڕوداوەكانی هاتووچۆ، كەوتن و خزان لەسەر ڕێگاكان و حاڵەتەكانی خنكان لە ئاكامی بەكارهێنانی ئەو ڕێگایانەی لەڕووی ئاڵوگۆڕی هەواوە سەلامەت نەبوون بووە.
بەپێی میدیاكان كارەبا لە ویلایەتی تەكساس بڕاوە بەهۆی ئەو سەرما زۆر و نائاساییەی ڕووی لە ویلایەتەكە كردووە، بەمەش ملیۆنان كەس بێ كارەبا ماونەتەوە.
لای خۆیەوە دەستەی كەشناسیی نیشتیمانی لە ئەمریكا هۆشداریشیدا لەبارەی بەفربارینی زیاتر و گەردەلولی بەفرین، لە ناوچەكاندا كە زیاتر لە 150 ملیۆن كەس لێی نیشتەجێن.
تا ڕۆژی سێشەممە 73%ی خاكی ئەمریكا بە بەفر داپۆشرابوو، پێشبینیش دەكرێت ئەم دۆخەی كەشوهەوا لە وڵاتەكەدا تا پشووی كۆتایی ئەم هەفتەیە بەردەوام بێت.
س: ئاژانسەكان
