مستەفا كازمی دەستگیركردنی باندێكی “بكوژ”ی ڕاگەیاند

سەرۆكوەزیرانی عێراق دەستگیركردنی باندێكی لە بەسڕە ئاشكراكرد، ئەو باندە “دەستیان هەبووە لە كوشتنی ژمارەیەك هاوڵاتی”.

لە ڕاگەیەندراوێكدا ئەمڕۆ دووشەممە 15ی شوبات، مستەفا كازمی، سەرۆكوەزیرانی عێراق لە تویتەر ڕایگەیاندووە، “چەتەكانی مەرگ لە بەسرە، كە هاوڵاتییانی ئەو شارەیان دەترساند و ڕۆڵەكانیان دەكوشتین و مەرگیان لەو شارە خۆشەویستە بڵاودەكردەوە، كەوتنە چنگی پاڵەوانانی هێزە ئەمنییەكانمان و ڕادەستی دادگایەكی دادگەر و ئاشكرا دەكرێن”.

مستەفا كازمی ئەوەشی ئاشكراكردووە، “ئەمڕۆ بكوژانی جینان مازی و ئەحمەد عەبدولسەمەد، سبەیش بكوژانی ڕیهام و هیشام هاشمی و سەرجەم غەدرلێكراوانی دیكە”.

عصابة الموت التي ارعبت اهلنا في البصرة ونشرت الموت في شوارعها الحبيبة وازهقت ارواحاً زكية، سقطت في قبضة ابطال قواتنا الأمنية تمهيداً لمحاكمة عادلة علنية.
قتلة جنان ماذي واحمد عبد الصمد اليوم، وغداً القصاص من قاتلي ريهام والهاشمي وكل المغدورين .. العدالة لن تنام.

— Mustafa Al-Kadhimi مصطفى الكاظمي (@MAKadhimi) February 14, 2021