بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام لە بەغداد پێشوازی لە جۆناسان پاوڵ، راوێژکاری ئاسایشی نەتەوەیی بەریتانیا کرد.
لە کۆبوونەوەکەدا پێشهاتە ئەمنییەکانی عیراق و هەرێمی کوردستان و ناوچەکە تاوتوێ کران و جەخت لە پابەندبوون بە پاراستنی سەروەریی وڵات و زاڵبوون بەسەر سەرجەم ئاڵنگارییەکاندا کرایەوە.
مەترسییەکان و جموجۆڵی تیرۆریستان لە ناوچەکەدا خرانەبەر باس و بافڵ جەلال تاڵەبانی جەختی لە پێویستیی بەردەوامیی هەوڵەکان بۆ بنبڕکردنی سەرچاوەکانیان و رووبەڕووبوونەوەی هەر هەڕەشەیەک کردەوە کە ئارامی و سەقامگیریی عیراق بخاتە مەترسییەوە.
