ئەندامێكی ئەنجومەنی نوێنەرانی عێراق رایدەگەیەنێت، وەزارەتی دارایی عێراق دەستیكرد بە رێكارەكانی ناردنی مووچەی مانگی پێنجی فەرمانبەرانی هەرێمی كوردستان.
غەریب ئەحمەد ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، وەزارەتی دارایی عێراق دەستیكرد بە رێكارەكانی ناردنی مووچەی مانگی پێنجی فەرمانبەرانی هەرێم و چاوەڕواندەكرێت بەر لە جەژن مووچەی مانگی پێنج رەوانەبكرێت و دابەشبكرێت.
وتیشی، “مووچەی هێزە ئەمنییەكانیش بەر لە جەژن دەدرێت و وردبینی لە لیستی مووچەی مووچەخۆرانی هەرێمی كوردستان بەردەوامە”.
