عەلی ڕەئوف، نوێنەری گشتیی مامۆستایانی گرێبەست لە هەرێمی کوردستان ڕایگەیاند، ئەگەر تا ڕۆژی 13ـی ئەم مانگە پڕۆژەیاسای بودجە لەلایەن ئەنجومەنی وەزیرانەوە ڕەوانەی ئەنجومەنی نوێنەران نەکرێت، سەرجەم فەرمانبەرانی گرێبەست لە ناوەڕاستی بەغداد و لە دەوروبەری ناوچەی سەوز خۆپیشاندانی ملیۆنیی بەرفراوان ئەنجامدەدەن.
نوێنەری گشتیی مامۆستایانی گرێبەست جەخت لەوەش دەکاتەوە کە دامەزراندنی گرێبەستەکان لە عێراقدا پرسێکە ئەگەر سەرکەوتوو بێت، هەرێمی کوردستانیش دەگرێتەوە و گرێبەستەکان بەشێوەی هەمیشەیی دادەمەزرێن.
