بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە وەفدێکی باڵای مەکتەبی سیاسیی سادقوون بە سەرۆکایەتیی دکتۆر نەعیم عەبوودی کرد.
لە دیدارێکدا بە ئامادەبوونی دەرباز کۆسرەت رەسوڵ و نزار ئامێدی ئەندامانی مەکتەبی سیاسی، تەئکید لەپەرەپێدانی پەیوەندییەکانی نێوان هەردوولا کرایەوە لەچوارچێوەی پاراستنی بەرژەوەندییە باڵاکان و خزمەتکردنی گەل و وڵات.
هەر لە دیدارەکەدا پێویستیی بەردەوامی گفتوگۆی بونیادنەرانە و هاریکاریی هەمەلایەنەی نێوان لایەنە سیاسییەکان بۆ سەرخستنی پرۆسەی سیاسی و پاراستنی سەقامگیریی عێراق و پابەندبوون بە وادەی دەستوور بۆ پێکهێنانی حکومەتی نوێی عێراق دووپاتی لەسەر کرایەوە.
سەرۆک بافڵ جەلال تاڵەبانی پەرۆشانە جەختی لە سیاسەتی نیشتمانیی یەکێتی بۆ کاری هاوبەشێتی و شەراکەتی حەقیقی لە عێراقدا کردەوە و وتی دەمانەوێت حکومەتێک بونیادبنێین کە وەڵامدەرەوەی خواست و پێویستیی خەڵکە خۆشەویستەکەمان بێت و ببێتە مایەی خزمەتکردنی زیاتر و بوژاندنەوەی زیاتری وڵاتەکەمان، کە ئەمەش تەنیا بە پرۆژەی هاوبەش بەدیدێت.
