سەرۆكی ئەمریكا ڕایگەیاند، لەسەر داوای ئێرانییەكان و بەشێك لە وڵاتانی هاوپەیمان هێرشە مێژووییەكەیان دواخستووە.
دۆناڵد ترەمپ، سەرۆكی ویلاتە یەكگرتووەكانی ئەمریكا رایگەیاند، ئێرانییەكانی باش لەوە تێگەیشتبوون كە ئامادەكارییەكان بۆ وەشاندنی گورزێكی كوشندە كۆتاییان پێدەهێنێت، بۆیە داوای دانوستان و ڕێككەوتنیان كردووە كە ناوی ناوە “داماڵینی بەرنامە ئەتۆمییەکەی ئێران”.
وتیشی، “بەشێك لە وڵاتانی ڕۆژهەڵاتی ناوەڕاست و هاوپەیمانەكانمان و بەتایبەت سعودیە؛ داوایانكرد هەوڵێكی دیكە لەگەڵ ئێران بدرێت بۆ ئەوەی ڕێككەوتنێك واژوو بكات، چونكە ئێرانییەكان لە بەهێزی ئەم هێرشانە تێگەیشتبوون و هاوپەیمانەكانیشمان ڕێككەوتن لە جەنگ بە باشتر دەزانن و ئێمەش ئەو دەرفتەمان بەخشییەوە”.
