سەرۆكی پەرلەمانی ئێران رایگەیاند، وڵاتەكەی لە جەنگەكەی لەگەڵ ئەمریكادا سەركەوتنی بەدەستهێناوە و دەشڵێت، “دەبێت ئەم سەركەوتنە بەرەو پێشبەرین و پەرە بە خۆمان بدەین”.
محەمەد باقر قالیباف، سەرۆكی پەرلەمانی ئێران لە وتارێكدا ڕایگەیاند، دەبێت هەمووان كاربۆ بەرەوپێشبردنی ئەم سەركەوتنەی وڵات بكەن و لەوەش دڵنیابن كە وڵاتەكەی سەركەوتنی بەدەستهێناوە”.
ڕوونیشیكردەوە، ئێرانییەكانی سەلماندیان كە چۆك بۆ هیچ هێزێك دانادەن و بەردەوامدەبن لە ڕووبەڕووبوونەوەی دەستی داگیركار و ئەمریكاش دەبێت دان بە شكستی ئەم جەنگەدا بنێت.
سەرۆكی پەرلەمانی ئێران ئەوەشیخستەڕوو، وڵاتەكەی سەركەوتنی بەسەر دەستدرێژییەكانی ئەمریكا بەدەستهێناوە و دەبێت واشنتن تێبگات لەوەی بەم هێرشانەیان ئاشتی و لێكتێگەیشتن بەدەستناهێندرێت.
