ستران عەبدوڵا نووسینێی بە ناوی (ڕێککەوتنی زیندووەکان) سەبارەت بە ڕێککەوتنەکەی یەکێتی و نەوەی نوێ بڵاوکردەوە.
ستران عەبدوڵا، ئەندامی مەکتەبی سیاسیی یەکێتیی نیشتمانیی کوردستان سەبارەت بە ڕێککەوتنی یەکێتی و نەوەی نوێ نووسیویەتی، “ئەمە ڕێککەوتنی زیندووەکان و ئەوانەیە کە زیندوو و بوژاوەن، هەروەها هەست بە گۆڕانکاری لە هەناوی کۆمەڵی کوردەواری دەکەن و دەزانن دونیا هەر دەورانێک و سیاسەتێکی چالاک و دەستپێشخەری دەوێت”.
هەر سەبارەت بە ڕێککەوتنەکە، ستران عەبدوڵا دەشڵێت، “ڕێککەوتنی ئەوانەیە کە دەزانن کەس سوپەرمان نییە، هەموو هاوپەیمانیی و هاورێی گەرەکە، پیرۆزە لە هەموو خەڵکی کوردستان”.
