سەرۆكی جوڵانەوەی نەوەی نوێ، لە کۆنگرەیەکی ڕۆژنامەوانیدا بڕیارێکی گرنگی ڕاگەیاند.
شاسوار عەبدولواحید، سەرۆكی جوڵانەوەی نەوەی نوێ لە کۆنگرەیەکی ڕۆژنامەوانیدا ڕایگەیاند، هەفتەی داهاتوو ڕێككەوتنەكەمان لەگەڵ یەكێتیی نیشتمانیی كوردستان واژوودەكەین و بڕیارمانداوە، سەرۆكی حكومەتی داهاتووی هەرێمی كوردستان بۆ هاوپەیمانێتییەکەی ئێمە و یەكێتی بێت.
وتیشی، ساڵی 2018 ئەم حکومەتە پێکهێندراوە، کەواتە سەرۆكی حكومەت ماوەكەی بەسەرچووە و پۆستەكەی نایاساییە.
ئاماژەی بەوەشکرد، دەبێت پارتی سازش لە هەندێک لە پۆست و بەرژەوەندیی شەخسی و حزبی بكات، چونکە ناتوانێت بە 39 كورسییەوە هەموو پۆستە باڵاكانی هەرێمی كوردستانی بەدەستەوە بێت.
