بەختیار تاهیر، بەڕێوەبەری ئاوی سلێمانی بە تۆڕی میدیایی ئێستای ڕاگەیاند، بەهۆی شکان و کۆنبوونی چەند پەمپێکەوە لە وێستگەی پڕۆژەی ئاوی دووکان، گرفت بۆ ئەو گەڕەکانە دروستبوون کە لەسەر هێڵی دووی دووکان بوون.
وتیشی، بەهۆی زۆری بارانبارین لەمساڵدا هیچ گرفتی سەرچاوەی ئاومان نییە و کانی و کانیاوەکانی سەرچنار بەشێوەیەکی بەرچاو بووژاونەتەوە و ئاویان تێدایە.
بەختیار تاهیر ئاماژەی بەوەشکرد، سێ پەمپ کە لە ئەمریکا کڕدراون، بڕیارە دوای وەرگرتنی شایستە داراییەکان کە نووسینگەی جێگری سەرۆکی حکومەت بڕیاری خەرجکردنی بۆ داوە، دەست بە دانان و گۆڕینیان دەکرێت و گرفتی کەمئاوی چارەسەردەبێت.
وتیشی، ژمارەیەک پەمپی دیکە لە دروستکردندان و بڕیارە کۆتایی مانگی تەمموز لە هێڵی یەکی پڕۆژەی ئاوی دووکان – سلێمانی.
