دەزگای ئاسایشی هەرێمی کوردستان، ڕایگەیاند، دوو بازرگانی ماددەی هۆشبەر دەستگیرکران و دەستیش بەسەر بڕێک ماددەی هۆشبەر لەجۆری کریستاڵدا گیرا.
دەزگای ئاسایشی هەرێمی کوردستان، ڕایگەیاند، لەڕۆژی 25ی ئایاری 2026، بەڕێوەبەرایەتیی ئاسایشی گشتیی سلێمانی/بەڕێوەبەرایەتیی نەهێشتنی ماددەهۆشبەرەکان، لەدوای بەدواداچوون و ئەنجامدانی لێکۆڵینەوەی ورد لە چالاکییەکدا، توانیان دەستبەسەر بڕی 35 کیلۆ و 38 گرام ماددەی هۆشبەر لە جۆری کریستاڵی شل بگرن و دوو بازرگانی ماددەی هۆشبەر کە خاوەن ڕەگەزنامەی بیانین لە سنووری سلێمانی دەستگیربکەن.
ئاماژە بەوەش دەکات، ئێستا تۆمەتباران بەماددەی 25 لەیاسای ماددە هۆشبەرەکان و کارتێکارە ئەقڵییەکان ڕاگیراون و لێکۆڵینەوە لەدۆسییەکەیان بەردەوامە.
