بەڕێوەبەری گشتیی خزمەتگوزاریی شـ.ـەهیدان و ئەنفالکراوان ئاشکرایدەکات، ناوی سەرجەم زیندانیانی سیاسی دراوەتە بەغداد و تەنیا تەرخانکردنی بودجەی ماوە.
ئەحمەد مام ڕەسوڵ، بەڕێوەبەری گشتیی خزمەتگوزاریی شـ.ـەهیدان و ئەنفالکراوان لە وەزارەتی شەهیدان بە تۆڕی میدیایی ئێستای ڕاگەیاند، ناوی سەرجەم زیندانییانی سیاسی، کە ژمارەیان زیاتر لە 25 هەزار کەسە و پێکدێن لە 15 وەجبە، بۆ هاوتاکردنی مووچەکانیان بە شێوەیەکی یاسایی ڕەوانەی بەغداد کراوە.
وتیشی، ڕێککەوتنمان لەگەڵ بەغداد کردووە و هەموو شتێک کۆتایی هاتووە، ئەوەی ماوەتەوە تەرخانکردنی بودجەیە، لە هەرێمی کوردستان لیژنەیەک پێکهێندراوە تاوەکو لەگەڵ بەغداد سەبارەت بە تەرخانکردنی بودجە بۆ زیندانییانی سیاسی بگەینە ڕێککەوتنێک.
