د. لەتیف رەشید سەرۆك كۆماری عێراق لە بەغداد پێشوازیكرد لە محەمەد شیاع سودانی سەرۆكی ئەنجومەنی وەزیران و باس لە پێویستی كۆتاییهێنان بە كێشە هەڵپەسێردراوەكانی نێوان حكومەتی عێراق و حكومەتی هەرێم كرا.
هەر لە دیدارەكەدا تاوتوێی پێشهاتە سیاسی و ئەمنی و ئابورییەكانی وڵات كران و جەخت لە پێویستی یەكخستنی هەوڵەكان كرایەوە بۆ بەردەوامیدان بە چەسپاندنی ئەو ئاسایش و سەقامگیرییەی بەدەستهاتووە.
لە بەشێكی دیكەی دیدارەكەدا، باس لە پێویستی كۆتاییهێنان بە كێشە هەڵپەسێردراوەكانی نێوان حكومەتی عێراق و حكومەتی هەرێم بەپێی دەستوور و یاسا و یەكلاییكردنەوەی دۆسیەی مووچەی فەرمانبەرانی هەرێمی كوردستان كران، بە شێوەیەك كە مافەكانیان و بژێویی ژیانیان مسۆگەربكات.
