سکرتێری یەکێتیی کەمئەندامانی کوردستان، ڕایگەیاند، هەزاران خاوەن پێداویستیی تایبەت هەن کە پارەیان نییە گۆشت بکڕن بۆچی خێر دەبەنە دەرەوە؟
سامان حسێن، سکرتێری یەکێتیی کەمئەندامانی کوردستان لە کۆنفڕانسێکی ڕۆژنامەوانیدا ڕایگەیاند، چەندەها خاوەنی پێداویستیی تایبەت هەن بە شەش مانگ گۆشت ناخۆن، دەتوانم ڕۆژی جەژن 10 هەزار خاوەن پێداویستیی تایبەت کۆبکەمەوە کە پارەیان نییە گۆشت بکڕن، بۆچی خێرەکانتان دەبەنە دەرەوەی هەرێمی کوردستان؟
وتیشی، “خاوەن پێداویستیی تایبەت هەیە پارەی کیلۆیەک نقوڵی نییە چ جای ئەوەی 25 هەزار دینار بدات بە کیلۆیەک گۆشت”.
