ئەنجومەنی وەزاریی ئاسایشی نیشتمانی ئیدانەی هێرشەكەی توركیا بۆسەر شەنگال دەكات

ئه‌نجومه‌نی و‌ەزاریی ئاسایشی نیشتمانی كۆبووەوە و تاوتوێی هێرشەكانی توركیای بۆسەر شەنگال كرد و ئیدانه‌ی هێرشەكەی كرد.

نووسینگه‌ی ڕاگه‌یاندنی سه‌رۆك وه‌زیرانی عێراق لە ڕاگەیەندراوێكدا ئاماژەی بەوەكردووە، ئه‌مڕۆ چوارشه‌ممه‌ مسته‌فا كازمی سه‌رۆكایه‌تیی كۆبوونه‌وه‌ی ئه‌نجومه‌نی و‌ەزاریی ئاسایشی نیشتمانی كرد و بارودۆخی ئه‌منیی وڵاتیان تاوتوێكرد.

ئاماژە بۆ ئەوەشكراوە، لە كۆبوونەوەكەدا گفتوگۆ له‌باره‌ی بارودۆخی شه‌نگال و ئه‌و ڕێوشوێنانه‌ی‌ بۆ چه‌سپاندنی ئاسایش له‌و ناوچه‌یه‌ گیراونه‌ته‌به‌ر كراوە. هەروەها جه‌خت له‌ جێبه‌جێكردنی ڕێككه‌وتنی شه‌نگال كراوەتەوە‌.

هەر بەپێی ڕاگەیەندراوەكە، ئەنجومەنی وەزاریی ئاسایشی نیشتمانی، تاوتوێی هێرشەكانی توركیای بۆسەر شەنگال كردووە و ئیدانه‌ی ئه‌و هێرشانه‌ی كردووە كه‌ ده‌كرێنه‌ سه‌ر قه‌زاكه‌.

لەماوەی دوو ڕۆژی ڕابردوودا توركیا زیاتر لە چوار هێرشی كردووەتەسەر شەنگال و بۆردومانەكەی دوێنێی نەخۆشخانەی سكێنێ هەشت شەهید و چوار برینداری لێكەوتەوە.

بابەتی پێشتر

عەلی حەمەساڵح: واینابینم<br> وەزیری سامانە سروشتییەكان: بەنزین دەبێتە 650 دینار

بابەتی دواتر

ڕاپۆرتێك: گرفتی ئاو لە جیهاندا لەگەڵ گۆڕانی ئاووهەوا زیاددەكات

بابەتی پەیوەندیدار
زیاتر ببینە

وتەبێژی دەوڵەتی یاسا لەبارەی پۆستی سەرۆك كۆمار و پێكهێنانی حكومەتەوە زانیاری بۆ “ئێستا” ئاشكرادەكات

بڕیارە سبەی شاندێكی باڵای “چێوەی هەماهەنگی” بەسەرۆكایەتیی نوری مالكی سەردانی هەرێمی كوردستان بكات و لەگەڵ لایەنە كوردستانییەكاندا گفتوگۆبكەن…