پزیشکێکی ڕاوێژکار، هۆکاری هەستکردن بە ماندووبوونی بەردەوام، دەخاتەڕوو.
د.تەها مەحوی، ڕاوێژکار لە نەخۆشییەکانی شەکرە و کوێرەڕژێنەکان، ڕایگەیاند، هەندێکجار هۆکاری ڕاستەقینەی هەستکردن بە ماندووبوون ناجێگیریی ئاستی شەکری خوێنە.
ئەو پزیشکە بابەتەکە زیاتر ڕووندەکاتەوە و دەڵێت، کاتێک ئاستی شەکری خوێنی کەسەکە زۆر بە خێرایی بەرزدەبێتەوە و دادەبەزێت، جەستەی کەسەکە وزەیەکی زۆر بەکاردەهێنێت و بەمەش کەسەکە هەست بە ماندوویەتی دەکات.
دەشڵێت، پێش ئەوەی ناجێگیریی ئاستی شەکر کاریگەریی نەخوازراو لەسەر تەندروستیی کەسەکە دروستبکات، پشکنینی پێشوەختە یان پشکنینی ئاستی شەکری دوای ژەمەکان دەتوانێت کێشە شاراوەکان ئاشکرابکات.
