بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام لە بەغداد پێشوازی لە نزار ئامێدی، سەرۆککۆماری عیراق کرد.
لە کۆبوونەوەکەدا کە دەرباز کۆسرەت رەسوڵ، ئەندامی مەکتەبی سیاسی ئامادەیبوو، دوایین پەرەسەندنە سیاسییەکان و هەنگاوەکانی پێکهێنانی حکومەتی نوێ بیروبۆچوونیان لەبارەوە ئاڵوگۆڕکرا و جەخت لە سەرخستنی هەوڵە نیشتمانییەکان لەپێناو سەرخستنی پرۆسەی سیاسی کرایەوە.
بافڵ جەلال تاڵەبانی ستایشی رۆڵ و هەوڵەکانی بەڕێز سەرۆککۆماری کرد بۆ لێکنزیککردنەوەی لایەنەکان و گەیشتن بە حکومەتێکی خزمەتگوزاریی نیشتمانی.
لای خۆیەوە، بەڕێز نزار ئامێدی پابەندبوونی خۆی بە سیاسەتی هاوسەنگی سەرۆک مام جەلال دووپاتکردەوە بۆ یەکخستنی بۆچوونە جیاوازەکان لەپێناو هێنانەدی خواست و بەرژەوەندییە باڵاکان و رایگەیاند، هەموو هەوڵێکمان لە چوارچێوەی دەستوور و یاسا دەبێت بۆ چارەسەرکردنی کێشەکان و بەهێزکردنی پایەکانی دەوڵەتداری.
