وەزارەتی دارایی، ڕایگەیاند، بەشێک لە تەمویلی مووچەی مانگی نیسان خرایە سەر هەژماری بانکیمان.
وەزارەتی دارایی و ئابوریی هەرێمی کوردستان، ڕایگەیاند، نیوەڕۆی ئەمڕۆ بڕی 663 ملیار و 805 ملیۆن دینار وەک بەشێک لە تەمویلی مووچەی مانگی نیسانی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابوریی هەرێمی کوردستان لە لقی هەولێری بانکی ناوەندیی عێراق.
دەشڵێت، چاوەڕێدەکرێت سبەینێ سێشەممە گوژمەی تەواوکاریی مووچە بگاتە سەر هەژماری وەزارەتمان و لەگەڵ گەیشتنی تەواوی تەمویلی مووچە و وەرگرتنی پارەکە لە لقی هەولێری بانکی ناوەندیی عێراق ڕاستەوخۆ خشتەی مووچە ڕادەگەیەندرێت و دەست بەدابەشکردنی مووچەی مانگی نیسانی فەرمانبەران و مووچەخۆرانی هەرێمی کوردستان دەکرێت.
