وەزارەتی دارایی ڕایگەیاند، داهاتی نانەوتیی هەرێمی کوردستان بۆ مانگی نیسان خرایە سەر هەژماری بانکیی وەزارەتی دارایی عێراق.
وەزارەتی دارایی و ئابوریی هەرێمی کوردستان، ڕایگەیاند، ئەمڕۆ لەسەر بڕیاری وەزارەتی دارایی و ئابوریی هەرێمی کوردستان، بڕی 50 ملیار 292 ملیۆن و 213 هەزار دینار وەک داهاتی نانەوتیی هەرێمی کوردستان ڕەوانەی بەغداد کرا.
دەشڵێت، ئەو بڕە داهاتە بۆ مانگی نیسانە و بەشێوەی کاش خرایە سەر هەژماری بانکیی وەزارەتی دارایی حکومەتی فیدراڵ لە لقی هەولێری بانکی ناوەندیی عێراق.
