بەڕێوەبەری گشتیی حەج و عومرەی هەرێمی كوردستان رایدەگەیەنێت، لە رۆژی یەكشەممەوە گرێبەست لەگەڵ كۆمپانیاكان كراوە بۆ گواستنەوەی عومرەكاران و دابینكردنی شوێنی حەوانەوە، گواستنەوە و خواردن و دەشڵێت،” بۆ ئەمساڵ میكانیزمێكی نوێ پەیڕەودەكرێت”.
شێخ نیاز راغب نەقشبەندی، بەڕێوەبەری گشتیی حەج و عومرەی هەرێمی كوردستان لە لێدوانێكیدا رایگەیاند، لە رۆژی یەكشەممەوە دەستكراوە بە ئەنجامدانی گرێبەست لەگەڵ ئەو كۆمپانیایانەی كە عومرەكاران بۆ سعودیە دەگوازنەوە و ئەمساڵ دوو گرێبەست لەگەڵ كۆمپانیاكان دەكرێت ئەو كۆمپانیایانەی شوێنی حەوانەوە، گواستنەوە و خواردن بۆ عومرەكاران دابیندەكەن و گرێبەستیان لەگەڵ دەكرێت و ئەوانەی كە هاوڵاتییان دەگوازنەوە بەهەمان شێوە گرێبەستیان لەگەڵ دەكرێت و لێوەردەگیرێت لە حاڵەتێكدا ئەگەر هاوڵاتییان سكاڵایان هەبوو ماف بۆ هاوڵاتییان دەگەڕێندرێتەوە.
راشیگەیاند، ئەو هەنگاوانەی ئەمساڵ پەیڕەودەكرێن لە بەرژەوەندیی هاوڵاتییانە و دەمانەوێت زامنی مافی هاوڵاتییان بكەین كە غەدریان لێنەكرێت و ئەو میكانیزمەی ئەمساڵ پەیڕەودەكرێت جیاوازە لە ساڵانی رابردوو.
#ئێستا
