بەڕێوەبەرایەتیی گشتیی هاتوچۆی هەرێمی کوردستان، ڕایگەیاند، نابێت ئۆتۆمبێلی بارهەڵگری ژمارە کاتی لە چوار تۆن زیاتر باربکات.
بەڕێوەبەرایەتیی گشتیی هاتوچۆی هەرێمی کوردستان، ڕایگەیاند، لەسەر فەرمانی وەزیری ناوخۆ و بە مەبەستی ڕێگریکردن لە کارەساتی نەخوازراو، ئاگاداری شۆفێرانی بارهەڵگر و بیناسازی دەکەینەوە کە لە 28ی نیسانی 2026 بەدواوە ئۆتۆمبێلی بارهەڵگر و بیناسازی لە تۆن زیاتر قەدەغەیە بە (ژمارەی کاتی) کاری گواستنەوەی بار بکات تا ئەو کاتەی ژمارە کاتییەکەی تۆماردەکرێت و (ژمارە و تابلۆ)ی تایبەت بەخۆی وەردەگرێت.
دەشڵێت، ئەو بارهەڵگرانەش کە تۆمارکراون دەبێت بە دروستی و لە کاتی خۆی پشکنینی ساڵانە بۆ دڵنیابوون لە مەرجەکانی سەلامەتی ئەنجامبدەن، بە پێچەوانەوە دەست بەسەر بارهەڵگرەکەدا دەگیرێت و سزای دارایی قورس دەسەپێندرێت.
ئاماژە بەوەشدەکات، بەڕێوەبەرایەتییەکانی هاتوچۆ لە پارێزگا و ئیدارە سەربەخۆکان و مەفرەزەکانیان ڕادەسپێرین کە کاری پێویست لەمبارەیەوە ئەنجامبدەن.
