لە رووداوێکی هاتوچۆدا لەسەر رێگای کەلار – دەربەندیخان کەسێک گیانیلەدەستدا کە پیشەی مامۆستا بووە و دوو کەسی دیکە برینداربوون.
رووداوەکە ئێوارەی ئەمڕۆ لەنێوان قەزای دەربەندیخان و باوەنووردا روویداوە، رووداوەکە لە جۆری پێکدادانبووە لەنێوان تانکەرێک و ئۆتۆمبێلێکی تایبەتدا.
بەهۆی ئەو پێکدادانەوە شۆفێری ئۆتۆمبێلە تایبەتەکە گیانیلەدەستداوە.
ئەو کەسەی گیانیلەدەستداوە ناوی فاتیح حسێنە و خەڵکی ناحیەی رزگارییە، پیشەی مامۆستایە و بەڕێوەبەری قوتابخانەیە.
قوربانییەکە سەرەتا بە سەختی برینداربووە، دوای گواستنەوەی بۆ نەخۆشخانە گیانیلەدەستداوە.
