بافڵ جەلال تاڵەبانی، سەرۆکی یەکێتیی نیشتمانیی کوردستان بەبۆنەی جەژنی سەری ساڵی ئێزدییەکان ڕایگەیاند، هەمیشە پاڵپشت و پشتیوانی خوشک و برا ئێزدییەکانن.
سەرۆکی یەکێتی لە پەیامەکەیدا ڕایگەیاند، “بەبۆنەی جەژنی سەری ساڵی ئێزدی، پیرۆزبایی گەرم لە خوشک و برایانی ئێزدی دەکەین و هیوای جەژنێکی خۆش و ساڵێکی پڕ لە ئاشتی و ئارامییان بۆ دەخوازین.”
هاوکات ئاماژەی بەوەشکردووە، “قوربانیدانی ئێزدییەکان لەپێناو پاراستنی شوناس و تایبەتمەندی ئایینییان لای ئێمە رێزلێگیراوە و یەکێتیی نیشتمانیی کوردستان هەمیشە پشتیوان دەبێت و پاڵپشتی هەر هەنگاوێکین کە ماف و ژیانێکی باشتر بۆ ئێزدییەکان دەستەبەر بکات.”
