شەهباز شەریف، سەرۆکوەزیرانی پاکستان داوای درێژکردنەوەی ئەو وادەیەی کرد، کە ترەمپ بە ئێرانی داوە بۆ ڕێککەوتن بۆ ماوەی دوو هەفتە.
شەهباز شەریف لە لێدوانێکدا ڕایگەیاند، داوای لە دۆناڵد ترەمپ، سەرۆکی ئەمریکا کردووە، ماوەی دوو هەفتەی دیکە درێژبکاتەوە کە بە ئێران دراوە، لە بەرامبەردا داواش لە تاران دەکات، وەک نیازپاکییەک، لەو دوو هەفتەیەدا گەرووی هورمز بکاتەوە.
دووپاتیشی کردەوە، هەوڵە دیپلۆماسییەکان بە ئامانجی گەیشتن بە یەکلاکردنەوەی ئاشتییانە بۆ جەنگەکە، بەشێوەیەکی بەردەوام بەرەوپێش دەچن.
سەرۆکوەزیرانی پاکستان داوای لە هەموو لایەنەکان کرد، کە پابەندی ئاگربەستێکی دوو هەفتەیی بن، بۆ ئەوەی دەرفەتی دیپلۆماسی بۆ کۆتاییهێنان بە شەڕەکە بەشێوەیەکی هەمیشەیی، هەبێت.
