پارێزگاری هەولێر رایدەگەیەنێت، ئەو گرانیەی لە هەولێر هەیە، حکومەتی عێراق بەهۆی باج و گومرگەوە دروستیکردووە.
ئومێد خۆشناو، پارێزگاری هەولێر رایگەیاند، “ئەو گرانیەی کە هەیە، تەنیا لە هەولێر نییە، بەڵکو لە هەموو هەرێمی کوردستان و عێراق گرانی هەیە، لیژنەکانی قائیمقامیەت بەردەوام چاودێرن بەسەر بازاڕەوە، بەڵام بڕیارەکانی ئەم دواییەی حکومەتی عێراق هۆکاری سەرەکین بۆ بەرزبوونەوەی نرخەکان”.
وتیشی، “ئەوەی پەیوەندی بە کۆنتڕۆڵکردنی نرخەکان هەبێت لە مانگی رەمەزان هەوڵمانداوە کە رێگری لێبکەین، بەڵام بەگشتیی گرانی لە بازاڕدا لە دەستی ئێمە نییە”.
