دەزگای ئاسایشی هەرێمی کوردستان، دەستگرتن بەسەر 272 سکەی مێژوویی و رادەستکردنیان بە مۆزەخانەی سلێمانی رادەگەیەنێت.
عەقید کارزان شێرکۆ، وتەبێژی دەزگای ئاسایشی هەرێمی کوردستان لە کۆنفرانسێکی رۆژنامەوانیدا رایگەیاند، “لە هەوڵە بەردەوامەکانمان، پاش بەدواداچوون و کۆکردنەوەی زانیاریی ورد، توانیمان لە کۆتاییەکانی ساڵی 2025 دەست بەسەر 272 سکەدا بگرین، کە مێژووەکەیان دەگەڕێتەوە بۆ سەدەی 18 و رادەستی مۆزەخانەی سلێمانیان دەکەین”.
وتیشی، “لەسەر ئەو بابەتە، حەوت کەس بەپێی ماددەی 24ی شوێنەوار دەستگیرکراون و دۆسیەکانیان لەبەردەم دادوەری لێکۆڵینەوەی ئاسایشدایە”.
