مەسرور بارزانی بەبێ گەڕانەوە بۆ یاسا و لە رێگەی کۆمپانیایەکەوە باج لەسەر هاوڵاتییان زیاددەکات.
بەگوێرەی زانیارییەکانی سەرچاوەیەک، نووسینگەی مەسـ.ـرور بـ.ـارزانی، سەرۆکی حکومەتی هەرێمی کوردستان، لە هەنگاوێکی نوێدا، فەرمانی بە دروستکردنی کۆمپانیایەکی تایبەت دەرکردووە بەمەبەستی کۆکردنەوەی باج لەسەر هاوڵاتییان، پڕۆژەکە هاوشێوەی پڕۆژەی رووناکی و بەستنی پێوەری زیرەکیی کارەبایە، کە تیایدا باجەکان لە رێگەی ئەم کۆمپانیایەوە کۆدەکرێنەوە و بڕەکەیان لەسەر هاوڵاتییان زیاددەکرێت.
ئەوەشی خستەڕوو، پلانێکی دیکەی ئەم کۆمپانیایە، دانانی کابینەی تایبەتە لەسەر رێگەکانی نێوان شارەکانی هەرێمی کوردستان، ئەمەش بەمەبەستی کۆکردنەوەی باج لەو کەسانەی لە شارێکەوە دەچنە شارێکی دیکە.
باسی لەوەشکرد، بەپێی یاسا، دەسەڵاتی دەستکارییەکی رێژەی باج تەنیا لە دەسەڵاتی پەرلەمانی کوردستاندایە و سەرۆکی حکومەت ناتوانێت بەبێ گەڕانەوە بۆ یاسا باج لەسەر هاوڵاتییان زیادبکات.
