بەڕێوەبەرایەتیی تەندروستیی هەڵەبجە بڵاویكردەوە، دامەزراندنی پزیشك و كارمەندانی تەندروستیی بۆ نەخۆشخانەی بیارە هەڵناوەشێتەوە و لەبەر زۆريی داواكاری و بەرژەوەندیی دەرچووانی دانەمەزراو دەتوانن خۆیان تۆماربكەن.
بەپێی ڕاگەیەندراوێكی بەڕێوەبەرایەتیی تەندروستیی هەڵەبجە كە وێنەیەكی دەست تۆڕی میدیایی ئێستا كەوتووە و تێیدا هاتووە، دامەزراندنی پزیشكان و كارمەندانی تەندروستی بۆ نەخۆشخانەی بیارە هەڵناوەشێتەوە و لەبەر داواكاری و بەرژەوندیی دەرچووانی دانەمەزراو كە دەرفەتی خۆ تۆماركردنیان نەبووە دەتوانن خۆیان تۆماربكەن و بڕیاردرا بە:-
1-درێژكردنەوەی پێنج ڕۆژی دیكە بۆ خۆتۆماركردن لەسەر هەمان لینكی خۆتۆماركردن كە لە خوارەوە دانراوە تاوەكو ڕۆژی سێشەممەی داهاتوو 13ی ئەیلولی 2022.
2-زیادكردنی پسپۆڕی (پزیشكی ددان) بۆ ناو پسپۆرییەكان.
3-بەردەوامبوونی سكاڵاكان وەك لە لینكەكەی خوارەوەدا دانراوە.
لە ڕاگەیەندراوەكەدا هاتووە، “هەر پێشكەشكارێك پێشووتر خۆی تۆماركردووە مافی خۆ تۆماركردنەوەی نییە، بە پێچەوانەوە مافی بەشداربوونی لێوەردەگیرێتەوە و هیچ كەسێك نابێت پسپۆڕیی بڕوانامەكەی خۆی بگۆڕێت و بە پسپۆڕیەكی دیكە خۆی تۆماربكات و هەر زانیارییەكی هەڵە، پێشكەشكار لێی بەرپرسە و مافی دەفەوتێت.
خۆ تۆماركردن لەم لینكەوە دەبێت:-
https://recruitment.moh.gov.krd
فۆڕمی سكاڵا لەم لینكەوەیە:-
