بەیانیی ئەمڕۆ بەهۆی رووداوێکی هاتوچۆ لە شەقامی سالم، کەسێک گیانیلەدەستدا و چوار کەسی دیکەش برینداربوون.
میران مستەفا، ئەفسەری هێڵکاری لە بەڕێوەبەرایەتیی هاتوچۆی سلێمانی راگەیاند، “بەیانیی ئەمڕۆ هەینی، ئۆتۆمبێلێکی لاندکروزەر، کە لە چوارڕیانی سەرچنار بەرەو سەنتەری شار رۆیشتووە، بەهۆی خێرایی زۆرەوە لەبەردەم بەڕێوەبەرایەتیی پەروەردەی رۆژئاوا کۆنتڕۆڵی لەدەستدا و چووەتە سایدی بەرامبەر و خۆی کێشاوە بە ئۆتۆمبێلێکدا، پاشان هاتوەتەوە سایدی خۆی، خۆی کێشاوە بە ستوونێکی رووناککەرەوەدا”.
ئاماژەی بەوەشکرد، “لە ئەنجامی رووداوەکە، کەسێک گـ.ـیانیلەدەستدا و چوار کەسی دیکەش برینداربوون”.
