بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغداد لەگەڵ د. ئەیاد عەلاوی، سەرۆکی هاوپەیمانیی نیشتمانی و سەرۆکوەزیرانی پێشووتری عێراق کۆبووەوە.
لە کۆبوونەوەکەدا قوباد تاڵەبانی و دەرباز کۆسرەت رەسوڵ، ئەندامانی مەکتەبی سیاسی ئامادەیبوون، دۆخی سیاسیی عێراق و ناوچەکە خرایەبەر باس.
هەوڵەکان بۆ پێکهێنانی حکومەتی نوێی عێراق گفتوگۆی لەبارەوە کرا و پێویستی بەردەوام بوونی هەوڵەکان بۆ سەرخستنی لێکتێگەیشتنەکان بۆ گەیشتن بە حکومەتێکی بەهێز و خزمەتگوزار جەختی لەسەر کرایەوە.
سەرۆک بافڵ ستایشی ئەزموونی دەوڵەمەند و تێکۆشانی د. ئەیاد عەلاوی دژی بە دیکتاتۆریەت و رۆڵی لە بنیادنانەوەی عێراقی نوێ کرد، وەک یەکێک لە تێکۆشەرە دێرینەکان و هاوڕێی سەرۆک مام جەلال.
