لە کاتی کردنەوەی بازاڕەکانی جیهان، نرخی زێڕ ئاستی پێنج هەزار دۆلاری تێپەڕاند.
ئەمڕۆ دووشەممە، لەکاتی کردنەوەی بازاڕە داراییەکانی جیهان، نرخی یەک ئۆنسە زێڕ پێنج هەزار دۆلاری تێپەڕاند، ئێستا نرخی یەک ئۆنسە زێڕ بە پێنج هەزار و 65 دۆلار، مامەڵەی پێوەدەکرێت، هەروەها لە سەرەتای ئەمساڵەوە تاوەکو ئەمڕۆ %17 بەرزبوونەوەی بەخۆیەوە بینیوە.
بەگوێرەی بۆچوونی شارەزایان، هۆکاری سەرەکیی بەرزبوونەوەی نرخی زێڕ، نیگەرانی و گرژییە سیاسییەکانە لە جیهاندا، ئەمەش وایکردووە زۆرێک وەک پەناگەیەکی ئارام پەنا بۆ کڕینی زێڕ ببەن.
