ناوەندی راگەیاندنی هەسەدە بڵاویکردەوە، بەهۆی بێباکیی کۆمەڵگەی نێودەوڵەتی، هێزەکانیان لە کەمپی هۆل کشانەوە.
ناوەندی راگەیاندنی هێزەکانی سوریای دیموکرات (هەسەدە) بڵاویکردەوە، بەهۆی بێباکیی کۆمەڵگەی نێودەوڵەتی بەرامبەر بە پرسی داعش و هەڵنەگرتنی بەرپرسیارێتیی خۆی لە چارەسەرکردنی ئەم بابەتە جددییە، هێزەکانمان ناچاربوون لە کەمپی هۆل بکشێنەوە.
ئاماژەی بەوەشکرد، هێزەکانیان نێردراون بۆ ناوچەکانی دەوروبەری شارەکانی باکوری سوریا، کە ئێستا ئەو ناوچانەش، رووبەڕووی مەترسی و هەڕەشەی زیاتر بوونەتەوە.
