بەڕێوەبەری بەنداوی دوکان رایدەگەیەنێت، ئاستی ئاوی بەنداوی دوکان بە رێژەیەکی بەرچاو بەرزبووەتەوە.
کۆچەر جەمال، بەڕێوەبەری بەنداوی دوکان بە تۆڕی میدیایی ئێستای راگەیاند، ئاستی ئاوی بەنداوەکە نزیکەی سێ مەتر و نیو بەرزبووەتەوە و لەگەڵ بارینی بارانی زیاتردا، رێژەکە لە بەرزبوونەوەدایە.
لەبارەی پێشبینییەکانیان بۆ ئەگەری سەرڕێژبوونی بەنداوەکە، کۆچەر جەمال وتی، هێشتا زووە باس لەو بابەتە بکرێت، چونکە لە ساڵانی رابردوودا رێژەی دابارین کەمبوو و ئەو بەنداوانەشی تاوەکو ئێستا سەرڕێژیان کردووە، بەنداوی گەورە نین و سەرڕێژبوونیان ئاسانترە.
