تەندروستیی سلێمانی، رایگەیاند، لە ساڵی 2025دا نزیکەی 10 هەزار منداڵ لە نەخۆشخانەی منداڵبوون لەدایکبوون.
بەڕێوەبەرایەتیی گشتیی تەندروستیی سلێمانی، رایگەیاند، لە ماوەی ساڵی رابردوو، نۆ هەزار و 848 منداڵ لە نەخۆشخانەی منداڵبوونی فریاکەوتنی فێرکاریی لەدایکبوون.
ئاماژەی بەوەشکرد، لەو ژمارەیە پێنج هەزار و 96 منداڵ کوڕ بوون و چوار هەزار و 752 منداڵیان کچ بوون، پێنج هەزار و 528 منداڵ بە سروشتی لەدایکبوون، و چوار هەزار و 320 منداڵیش لەرێگەی نەشتەرگەرییەوە لەدایکبوون.
بە گوێرەی ئاماری تەندروستیی سلێمانی، ساڵی رابردوو 42,723 نەخۆش سەردانی نەخۆشخانەی منداڵبوونی فریاكەوتنی فێركارییان کردووە و لەو ژمارەیە 13,101 نەخۆش داخڵ كراون و چارەسەری پێویستیان بۆ كراوە.
هاوكات ساڵی رابردوو لە نەخۆشخانەی منداڵبوونی فریاكەوتنی فێركاری 179 حاڵەتی لەدایكبوونی دووانە و 9 حاڵەتی لەدایكبوونی سیانە تۆماركراون.
