مێڵ گیبسن لە خۆشەویستەکەی جیابووەوە

ئەکتەری بەناوبانگی هۆڵیوود و براوەی ئۆسکار مێڵ گیبسن، پاش نۆ ساڵ لە ژیانی پێکەوەیی، لە رۆزالیند رۆز-ی خۆشەویستی جیابووەوە.

ئەندامێکی تیمی یاسایی ئەکتەرە ئەمریکییەکە پشتڕاستیکردەوە، مێڵ گیبسن و رۆس ماوەی ساڵێکە جیابوونەتەوە، بەڵام پێیان باش بووە هەواڵەکە تا ئێستا بە شاراوەیی بهێڵنەوە.

گیبسن و رۆز، کە هاوسەرگیرییان نەکردبوو و لە ساڵی 2014 دەستیان بە پەیوەندییەکەیان کردووە، ئاماژەیان بەوە کردووە، کە بەنیازن بەردەوامبن لە چاودێریکردنی کوڕە هەشت ساڵانەکەیان کە ناوی لارس-ە.

لە بەیاننامەیەکدا نووسیویانە، “هەرچەندە بەداخ و پەژارەیەکی زۆرەوە ئەم بەشەی ژیانمان دەگەیەنینە کۆتایی، بەڵام بەختەوەرین کە کوڕێکی جوانمان هەیە و ئەوەندەی بتوانین بەردەوامدەبین لە بوون بە باشترین دایک و باوک بۆی”.

ئەستێرەکەی هۆڵیوود خاوەنی کچێک و شەش کوڕە لەگەڵ رۆبن مۆر کە لە ساڵی 1980 تا 2011 هاوسەری بووە.

گیبسن ئەکتەر، دەرهێنەر و بەرهەمهێنەرە و لە هۆڵیوود بەناوبانگە بە فیلمە ئەکشن و هەستبزوێنەکانی وەک “The Patriot”، “Bloodfather”، “Hacksaw Ridge” و “Braveheart” کە لە ساڵی 1996 خەڵاتی ئۆسکاری بۆ باشترین فیلمی بەدەستهێنا، هەروەها گیبسن خەڵاتی ئۆسکاری بۆ باشترین دەرهێنەر بەدەستهێنا.