مەكتەبی سیاسیی یەكێتیی نیشتمانیی كوردستان پەیامێکی بەبۆنەی “جەژنا رۆژیێن ئێزی” بڵاوکردەوە و پیرۆزبایی لە ئێزدییەکان دەکات.
دەقى پەیامەکە:
پیرۆزبایی مەكتەبی سیاسی بۆ جەژنی رۆژیێن ئێزی
بەبۆنەی (جەژنا رۆژیێن ئێزی) پیرۆزباییەكی گەرم لە خوشک و برایانی ئێزدی دەكەین و هیوادارین ئەم جەژنەیان بە خۆشی و شادی ببەنەسەر، لەم بۆنەیەدا، وەک هەمیشە پابەندیی خۆمان بۆ پارێزگاریی بەردەوام لە مافە كەلتوری و ئاینییەكانی ئێزدییەكان دووپاتدەكەینەوە، لەپێناو چەسپاندن و بەهێزكردنی زیاتری گیانی پێكەوەیی نێوان گشت پێكهاتە ئاینییەكانی كوردستاندا.
هیوادارین ئەم جەژنە ببێتە مایەی ئۆقرەیی زیاتر و ئاوەدانكرنەوەی شەنگال و شارۆچكە و گوندەكانی ئەو سنوورە، تاوەكو دانیشتووانە رەسەنەكەیان كە تاوەكو ئێستا لەناو چادری ئاوارەییدا ژیانێكی سەخت بەڕێدەكەن، بگەڕێنەوە سەر زێدی باو و باپیرانیان.
جەژنتان پیرۆز و هەر شاد بن.
