ژووری ئۆپراسیۆنی هاوبهشی نێوان پێشمهرگه و سوپای عێراق ئەمڕۆ له مهخمور دهستبهكاربوو.
غەیاس سورچی، بەرپرسی ڕاگەیاندن و پەیوەندییەكانی مەڵبەندی یەكێتی لە موسڵ بە تۆڕی میدیایی ئێستای ڕاگەیاند، “ئەمڕۆ ژووری ئۆپراسیۆنی هاوبەشی نێوان سوپای عێراق و هێزەكانی پێشمەرگە لە مەخمور دەستبەكاربوو، كە پێنج ئهفسهری وهزارهتی پێشمهرگهشی تێدایە”.
وتیشی، لەماوەی ڕابردوو هیچ هەماهەنگییەك لە نێوان پێشمەرگە و سوپای عێراق نەبوو، بە دروستكردنی ئەو ژوورە، هاوكار دهبێت بۆ پێكهێنانی هێزی هاوبهش و ئهنجامدانی ئۆپهراسیۆنی هاوبهش، هەروەها ئاڵوگۆڕكردنی زانیاری هەواڵگری.
غەیاس سورچی باسیلەوەشكرد، بڕیارە هەر لەم هەفتەیەدا دوو ژووری دیكەی ئۆپراسیۆنی هاوبەشی نێوان پێشمەرگە و سوپای عێراق، لە دەشتی نەینەوا و ڕۆژئاوای موسڵ دروست بكرێت.
دوێنێ ژووری ئۆپراسیۆنی هاوبەشی نێوان پێشمەرگە و سوپای عێراق لە کەرکوک پێکهێنرا، دروستكردنی ئەو ژوورە هاوبەشانەش بەپێی ڕێككەوتنی نێوان هەردولا بۆ پڕكردنەوەی بۆشایی ئەمنییە لە ناوچە کوردستانییەکانی دەرەوەی ئیدارەی هەرێم، تاڕێگری لە جوڵەکانی داعش بكرێت لەو ناوچانە.
