قائیمقامیەتی سلێمانی لە کۆگایەکدا دەستیگرت بەسەر دەیان تۆن خۆراکی ماوەبەسەرچوو و خراپبوودا کە خاوەنەکەی بەنیازبووە بیانکاتە ناو کیس و زەرفی نوێوە.
لە کۆگاکەدا چەند جۆرێک خۆراک هەبوون، کە بەسەرچوون، بەڵام خاوەنی کۆگاکە بەنیازبووە لە ناو کیس و زەرفی نوێدا جارێکی دیکە ساغیانبکاتەوە.
هەندێک لە خۆراکەکان بەو ئامێرانەی لە کۆگاکەدا بوون نزیکەی ساڵێک بەروارەکەیان نوێکراوەتەوە.
کۆگاکە نزیکەی 10 جۆری جیاواز خۆراکی تێدابووە، کە هەندێکیان بەسەرچوون و بەشێکیشیان چەند ڕۆژێکی کەمیان ماوە بەسەربچن.
لەناو خۆراکەکاندا گوێز، کشمیش، هەنجیری وشک، قەیسی، قاوە و فستق هەبوون.
