وەزیری پەروەردە، رایگەیاند، سەرجەم مامۆستایانی چه‌مچه‌ماڵ سوپاس و پێزانینیان پێشكه‌شده‌كرێت.
د. ئالان حەمەسەعید، وەزیری پەروەردەی هەرێمی کوردستان، رایگەیاند، لە وەزارەت بڕیارماندا سەرجەم مامۆستایانی سنووری چەمچەماڵ رێز و سوپاسی رەسمییان پێببەخشین لەبەرامبەر هەوڵەکانیان بۆ پاراستنی خوێندکاران لە رۆژی لافاوەکەدا.
وتیشی، ئەمڕۆ پارەی پێویست رادەستی پەروەردەی چەمچەماڵ دەکرێت بۆ ئەوەی بەزووترین کات کاری پێویستیان بۆ بکرێت و هەر ئەمڕۆش کەلوپەل و پێداویستییەکان دەگەیەندرێنە خوێندنگەکان.
