بەڕێوەبەری نەخۆشخانەی د. جەمالی منداڵان رایدەگەیەنێت، نابێت بەبێ ڕەچەتەی پزیشکیی، دایکان و باوکان سەربەخۆ دەرمان بە منداڵەکانیان بدەن.
د. کۆیان زاهیر، بەڕێوەبەری نەخۆشخانەی د. جەمالی منداڵان لە سلێمانی ئاشکرایکرد، ئەو منداڵانەی تووشی پەتا بوون و نیشانەکانیان توندە، پێویستناکات بنێردرێنەوە بۆ خوێندنگە و دایەنگەکان، هەروەها پێویستە تەمەن گەورەکان ماسک بکەن و لە کەشی کراوەدا پژمین و کۆکە نەکەن.
دەشڵێت، نابێت دایک و باوکان سەربەخۆ و لەخۆیانەوە دەرمان بدەن بە منداڵەکانیان، بەڵکو پێوسیتە پزیشکی پسپۆڕ دەستنیشانی ئەو دەرمانانە بکات کە دەبێت بدرێن بە منداڵەکە.
