رێبوار تەها رایگەیاند، ئەو هاوڵاتییانەی بەهۆی لافاوەکەی هەفتەی رابردووی سنووری کەرکوک زەرەرمەندبوون قەرەبوو دەکرێنەوە.
رێبوار تەها پارێزگاری کەرکوک لە کۆنگرەیەکی رۆژنامەوانیدا رایگەیاند، لە بارانەکەی هەفتەی رابردوو چەند ماڵێک لە چەند کۆڵانێکی گەڕەکی شۆراو ئاوی تێدا کۆبووبووەوە، هۆکارەکەش بۆ ئەوە دەگەڕێتەوە پێشتر لەو شوێنانە شیو بووە، بەڵام بەهۆی زیادەڕەوی ئێستا ئەو شیوانە نەماون.
ئاماژەی بەوەشکرد، لایەنە پەیوەندیدارەکانی کەرکوکم راسپاردووە هەڵبستن بە گەڕانەوەی ئەو شیوانە.
ئاشکراشیکرد، ئەو ماڵانەی زیانیان بەرکەوتووە، خەمڵاندنیان بۆ دەکرێت و قەرەبوو دەکرێنەوە.
