ئاڵۆزی و شەڕ و پێكدادان لە قامیشلۆ لەنێوان هێزەكانی ئاسایشی ڕۆژئاوا و بەرگریی نیشتمانیی حكومەتی سوریا بەردەوامە، كوژراو و بریندار هەن، ڕوسیاش دەیەوێت دۆخەكە هێور بكاتەوە.
بەگوێرەی ئاژانسەكانی هەواڵ، لە ئێوارەی دوێنێ سێشەممەوە، شەڕ و پێكدادان لە گەڕەكی “طي” لە قامیشۆ لەنێوان هێزەكانی ئاسایشی ڕۆژئاوا و بەرگریی نیشتمانی سەربە حكومەتی سوریا، دەستیپێكردووە.
شەڕەكە تائێستا بەردەوامیی هەیە و باس لەوە دەكرێت، “پێنج ئەندامی هێزی بەرگریی نیشتمانی كوژراون و هەشتی دیكەش برینداربوون، هێزەكانی ئاسایشی ڕۆژئاواش بەشێكی ئەو گەڕەكەیان كۆنتڕۆڵكردووە، كە شەڕەكەی تیادا ڕویداوە”.
سەرچاوەكانی هەواڵ ئاماژەیان بەوەش كردووە، ئاسایشی ڕۆژئاوا هێزێكی زۆری بردووەتە شوێنی شەڕەكە.
Video shows clashes between #Asayish and pro-Syrian government #NDF #Qamishli – North Press pic.twitter.com/2ALKxps0XT
— NORTH PRESS AGENCY – ENGLISH (@NPA_English) April 20, 2021
سەبارەت بە هۆكاری شەڕەكەش، ئاسایشی ڕۆژئاوا بەرەبەیانیی ئەمڕۆ لە ڕاگەیەندراوێكدا ئاماژەی بەوەكرد، “چەند گروپێكی سەر بە بەرگریی نیشتمانی، بەنیازن ئاسایش و سەقامگیریی قامیشلۆ بشێوێنن، لەو شەڕەشدا ئەندامێكی هێزەكانمان شەهید بووە”.
لەلایەكی دیكەوە، ڕوانگەی سوری بۆ مافەكانی مرۆڤ ڕایگەیاندووە، “هێزەكانی ڕوسیا چوونەتە شوێنی شەڕەكە و دەیانەوێت دۆخەكە هێور بكەنەوە”.
هەروەها ئاژانسی نۆرس پرێس ئاشكرایكردووە، هێزەكانی ئاسایشی ڕۆژئاوا یارمەتیی دەیان خێزانیان داوە بۆ ئەوەی بە پارێزراوی لەو گەڕەكەی شەڕەكەی تێدا دروستبووە، بچنە دەرەوە.
Internal Security Forces (#Asayish) helped dozens of families safely exit al-Tai neighbourhood in #Syria’s #Qamishli, which has been witnessing clashes since last night.
Read more: https://t.co/0nSUvhqZEE pic.twitter.com/ZrLNGhsCk9— NORTH PRESS AGENCY – ENGLISH (@NPA_English) April 21, 2021
