بەشی راگەیاندنی فڕۆکەخانەی نێودەوڵەتیی سلێمانی رایگەیاند، لە 16ی کانونی یەکەمی ئەمساڵ هێڵێکی دیکەی ئاسمانیی گەشتەکانی بۆ فڕۆکەخانەی سلێمانی دەستپێدەکات.
بەشی راگەیاندنی فڕۆکەخانەی نێودەوڵەتیی سلێمانی بڵاویکردەوە، هێڵی ئاسمانی (کۆندۆر) گەشتە ئاسمانییەکانی بۆ فڕۆکەخانەی نێودەوڵەتیی سلێمانی دەستپێدەکات.
ئەوەشی خستەڕوو، بەگوێرەی ئەو خشتەی لەلایەن هێڵی ئاسمانیی کۆردۆرەوە نێردراوە، بڕیارە لە 16ی کانونی یەکەمی 2025 گەشتە ئاسمانییەکان لەنێوان دوسڵدۆرف-سلێمانی-دوسڵدۆرف دەستپێدەکەن.
