بەڕێوەبەری پەروەردەی رۆژهەڵاتی سلێمانی رایگەیاند، گیانلەدەستدانی خوێندکارەکە بەهۆی غازی سۆپاوە نەبووە و لەناکاو کەوتووە.
تریفە محەمەد بەڕێوەبەری پەروەردەی رۆژهەڵاتی سلێمانی لە لێدوانێکدا رایگەیاند، ئەو بابەتەی کە وابڵاوکراوەتەوە منداڵێک بە غازی سۆپا گیانیلەدەستداوە بەو جۆرە نییە و لەناکاو منداڵەکە کەوتووە بەلادا و چاوەڕێی ئەنجامی پزیشکی دادی سلێمانیین.
تریفە محەمەد باسی لەوەشکرد، لەو خوێندنگەیەی ئەو منداڵە تێیدا تووشی ئەو حاڵەتە بووە، هیچ منداڵێکی دیکە تووشی هیچ شتێکی دیکە نەبووە و ئەو بابەتەکەی دیکە کە باس دەکرێت چەند منداڵێکی دیکە تووشی تەنگەنەفەسی بوون، ئاگادارنین.
