دادگای تاوانەکانی هەولێر، سزای لەسێدارەدان و 40 ساڵ زیندانیی بۆ دکتۆر سیروان مەحمود دەرکرد، کە مانگی ئاداری ئەمساڵ بە چەکەوە هەڵیکوتایە سەر ماڵی خەزووری و چوار کەسی کوشت.
ئەمڕۆ سێشەممە، پەیامنێری تۆڕی میدیایی ئێستا لە هەولێر گواستییەوە، دادگای تاوانەکانی هەولێر لەسەر تاوانی کوشتنی خەسوو و خەزووری، سزای لەسێدارەدانی بۆ دکتۆر سیروان دەرکردووە، هاوکات لەسەر کوشتنی هاوسەرەکەی، 20 ساڵ زیندانی و بە هەمانشێوە لەسەر خوشکی هاوسەرەکەشی، 20 زیندانیی بۆ دەرکردووە.
ئێوارەی 13ـی ئاداری ئەمساڵ، لە گەڕەکی فەرمانبەرانی شاری هەولێر، دکتۆر سیروان مەحمود بە چەکەوە هەڵیکوتایە سەر ماڵی خەزووری و دەستڕێژیی گوللەی لێکردن؛ لە ئەنجامدا خەزووری، خەسووی، هاوسەرەکەی و خوشکی هاوسەرەکەی کوشت و رۆژی دواتر لەلایەن ئاسایشەوە دەستگیرکرا.
