بانکی ناوەندیی عێراق لەبارەی فرۆشتنی دۆلاری کاش بە حاجییان رایگەیاند، هەر حاجییەک بڕی سێ هەزار دۆلاری کاشی بە پێی رێنماییەکان پێ دەفرۆشرێت.
لە راگەیەندراوێکدا بانکی ناوەندیی عێراق ئەوەی خستەڕوو، ”بەهۆی نزیکبوونەوەی دەستپێکی وەرزی حەج و بەمەبەستی فرۆشتنی دۆلار بە حاجییان بڕیاردرا ئەو زانیارییە تایبەتییانەی حاجییان پەسەند بکرێت کە لەلایەن دەسەڵاتی باڵای حەج و عومرە دەرچووە، کە بە QR کۆد پشتگیری دەکرێت وەک جێگرەوەیەکە بۆ بلیتی گەشتەکەیان”.
ئاماژە بەوەشکرا، ”پێویستە پلاتفۆرمی FITR بۆ تۆمارکردنی داتاکانی مامەڵەی فرۆشتنی کاش بە گەشتیاران وەربگیرێت لەگەڵ هەمان ئەو بەشەی مانگانە بۆ گەشتیاران تەرخانکراوە کە بڕی سێ هەزار دۆلاری ئەمریکییە بۆ هەر کەسێک”.
