بەهۆی گرفتی تەکنیکییەوە بەرهەمهێنانی نەوت لە کێڵگەیەکی نەوت لە بەسڕە، راگیرا.
ئاژانسی رۆیتەرزی بەریتانی بڵاویکردەوە، بەهۆی دزەکردن و لێچوون لە بۆرییەکی هەناردەکردنی نەوتدا، بەرهەمهێنانی نەوت لە کێڵگەی رۆژئاوای قورنە 2، لە بەسڕە راگیرا.
ئەوەشی خستەڕوو، کێڵگەکە لەلایەن کۆمپانیای لوکئۆیڵی روسییەوە سەرپەرشتی دەکرێت و کاری تێدا دەکرێت، ئاستی بەرهەمهێنانی کێڵگەکە رۆژانە نزیکەی 460 هەزار بەرمیل نەوتە.
کێڵگەی رۆژئاوای قورنە 2، یەکێکە لە گەورەترین کێڵگە نەوتییەکانی جیهان، قەبارەی یەدەگی کێڵگەکە زیاترە لە %0.5ی نەوتی خاوی جیهان.
