لیژنەی ئابوری و پیشەسازی و بازرگانیی ئەنجومەنی نوێنەرانی عێراق بڕیاریدا هەفتەی داهاتوو میوانداریی عەلا جەبووری، وەزیری بازرگانیی حكومەتی عێراق بكات.
فەرمانگەی ڕاگەیاندنی ئەنجومەنی نوێنەرانی عێراق بڵاویكردووەتەوە، لیژنەكە كۆبوونەوەیەكی بە سەرۆكایەتیی عەلی موسەوی سەرۆكی لیژنەكە ئەنجامداوە و چەند بابەتێكیان تاوتوێكردووە.
ئاماژە بەوەشكراوە، هەفتەی داهاتوو وەزیری بازرگانیی عێراق و كادیرە پێشكەوتووەكانی وەزارەتەكە میواندارییدەكرێن بۆ گفتوگۆكردن لەسەر عەمباركردنی ماددە خۆراكییەكان و دابەشكردنی بەسەر هاوڵاتییاندا لە ڕێگەی پسووڵەی خۆراك و دۆزینەوەی ڕێگە چارەیەكی گونجاو بۆ چارەسەركردنی ئەو كێشانەی دووچاری وەزارەتەكە بوونەتەوە.
