سەرۆکی لیژنەی فەتوای سلێمانی رایدەگەیەنێت، بلاک فرایدەی حەرام نییە، بەڵام مەرجی هەیە و باشترە ناوی بگۆڕدرێت.
د. محەمەد پێنجوێنی، سەرۆکی لیژنەی فەتوای سلێمانی لەبارەی بلاک فرایدەی-ەوە رایگەیاند، دیاریکردنی هەر رۆژێک بۆ هەرزانکردنی نرخی کاڵا و شمەک ئاساییە، بەو مەرجەی فێڵی تێدا نەبێت و بۆ هەڵخەڵەتاندن نەبێت.
وتیشی، لە ئاینی ئیسلامدا رۆژی هەینی، رۆژی سپی و هاوکارییە، نەک رۆژی رەش، بۆیە پێشنیازدەکەین ناوەکەی لە هەینیی رەشەوە بگۆڕدرێت بۆ هەینیی سپی.
هەموو ساڵێک، کۆتا هەینیی مانگی 11 بە بلاک فرایدەی دەناسێندرێت [کە بە واتای هەینیی رەش دێت]، لەو رۆژەدا، کۆمپانیا و فرۆشگا گەورەکان لە سەرانسەری جیهاندا داشکاندن لەسەر بەرهەمەکانیان دەکەن و کڕیارانیش خۆیان بۆ ئەو رۆژە ئامادەدەکەن.
